اردو کوڈر لینکس فورم - تمام فورم

لبرے آفس میں جسٹی فائیڈ الائنمنٹ کا مسئلہ

Tue, 08 May 2012 22:11:55 -0700

میں نے ایک مضمون ٹائپ کیا مجھے اس سے پی ڈی ایف بنانی تھی مگر جسٹی فائی درست طریقے سے نہیں ہو رہا کہ خوبصورت لگے۔

Untitle4d by Goof9211, on Flickr

مگر یہی جب میں نے بلاگ سپاٹ پر جسٹی فائی کیا تو بالکل درست انداز میں ہوا ۔

234 by Goof9211, on Flickr

کیا ایسا ہو سکتا جیسا بلاگ سپاٹ پر جسٹی فائی ہوا ہے ویسا لبرے رئٹر پر بھی ہو سکے۔

ایک مکمل ڈائریکٹری کو flv سے 3gp میں کنورشن۔

Fri, 13 Apr 2012 22:29:32 -0700

یوٹیوب سے کچھ ویڈویوز ڈاؤنلوڈ کرنے کے بعد میں ان فائلوں کو موبائل فارمیٹ 3gp میں کرنا چاہتا کیونکہ فائلوں کی تعداد کافی زیادہ اس لئے ایک ایک کر کے ffmeg سے کنورٹ کرنے میں کافی محنت درکار ہوگی۔ کیا ایسا ممکن ہے کہ میں صرف ایک دفعہ کوڈ ٹائپ کر کے تمام فائلوں کو کنورٹ کرسکوں۔ کچھ انگریزی فورمز میں مجھے کچھ بیش سکرپٹس ملے ہیں مگر وہ میرے مددگار ثابت نہیں ہو رہے۔ جیسا کہ میں بیش سکرپٹ کے متعلق زیادہ نہیں جانتا اس لئے ان کو اپنی پسند کے مطابق ڈھالنے میں بھی نا کام رہا ہوں۔ اور ffmpeg کا متبادل winff تو کسی کام کا بھی نہیں۔

سینا مون (Cinnamon) گنوم ایکشٹینشن

Sun, 04 Mar 2012 08:33:00 -0700

سینا مون گنوم تھری کے لئیے بنائی گئی شیل ایکسٹینشن ہے۔ جو کہ لینکس منٹ کے ڈیویلپرز کی طرف سے جاری کیا گیا ہے۔ اس کو جاری کرنے کی وجہ گنوم تھری کا صارف کے لیے غیر دوستانہ انٹرفیس ہے۔ جس کی وجہ سے اس کی مقبولیت کافی گر گئی ہے۔ سینا مون کا انٹرفیس ونڈوز کی طرز کا ہے۔ جس کو تصویر میں دیکھا جا سکتا۔

کمپیوٹر پر اتارنے کے لئے ربط

0 AD

Sat, 25 Feb 2012 06:32:41 -0700

0 AD ایج آف ایمپائرز ۲ کی طرح کی ایک رئیل ٹائم بیسڈ سٹریٹجی گیم ہے جس میں آپ اپنی فوج بنا کر دشمنوں کو لتاڑ سکتے یا پھر خود لتاڑے جا سکتے ۔ بہترین گرافکس جو کہ نیچے فوٹو میں بھی دیکھی جا سکتی ہیں۔ بری بات یہ کہ اس کا ابھی تک الفا ورژن ریلیز ہوا ہے بیٹا یا حتمی ورژن کے بارے میں کوئی خبر نہیں کب آئے مزید سکرین شاٹس ادھر پڑے ہیں۔ اور ڈاوّنلوڈ ربط

اردو اور فائر فاکس

Tue, 21 Feb 2012 00:23:54 -0700

بھائی لوگو ابنٹو 11.10 میں فائر فاکس پر اردو صحیح طرح سے نظر نہیں آ رہی میں نے مکی صاحب کا فراہم کردہ اردو لینکس انسٹالر بھی نصب کر رکھا ہے۔

لینکس کو سمجھیں

Tue, 24 Jan 2012 16:52:24 -0700

اسلام علیکم :
ا ا ردو زبان میں آپ لوگوں کی کاوش دیکھ کر بہت خو شی ہوئ۔آپ سے گزارش ہے کہ ہم جیسے نئے آنے والوں کی مدد کریں۔
کیا آپ مجھے "Linux Kernel" کے بارے میں سمجھا سکتے ہیں؟ اس کو کیسے "Patch" کرتے ہیں اور اس کے کیا فا ئدے ہوتے ہیں۔ اگر مثالوں کے ساتھ سمجھا یں گے تو زیادہ اسانی سے سمجھ ائے گی۔
خاص طور پر اس جملے کا مطلب بتا دیں۔
Freebsd kernel is like linux kernel modular.
یہ ماڈولر کیا ہوتا ہے۔
میں ایک ویب ھوسٹنگ کمپنی میں کام کرتا ہوں، میرے لایق کوئ کام ہو تو بتا ئیں۔
جزاک اللہ۔

اردو فائر فاکس (6.0.2) کا اجراء

Wed, 09 Nov 2011 09:38:35 -0700

ہمارے اردو لینکس منصوبے کے لیے ایک اردو براؤزر درکار تھا، اگرچہ لینکس پر کئی ایسے براؤزر موجود ہیں جنہیں اردوا کر یہ کمی پوری کی جاسکتی تھی مگر اس کے باوجود ہماری نظرِ انتخاب فائر فاکس پر پڑی کیونکہ یہ نہ صرف عالمی مقبولیت رکھتا ہے بلکہ اردو برادری میں بھی یہ براؤزر سب سے زیادہ مقبول ہے تاہم اسے اردوانا بقول غالب جوئے شیر لانے کے مترادف تھا لیکن اردو کوڈر والے بھی بہت ڈھیٹ واقع ہوئے ہیں، ہم نے مشکلات کے باوجود یہ جوئے شیر لانا منظور کیا اور کئی ماہ کی محنت کے بعد کامیاب بھی رہے اور اب اس کے اجراء کی سعادت حاصل کر رہے ہیں، یقیناً اب فائر فاکس 8 میدان میں موجود ہے جبکہ یہ نسخہ 6.0.2 ہے جو کہ کئی ماہ پرانا ہے، دیر سے اجراء کرنے کی کئی وجوہات ہیں سب سے پہلی وجہ تو یہ ہے کہ ہم اس کی ٹیسٹنگ اور جانچ پڑتال میں مصروف رہے اور خرابیاں دور کرتے رہے جس کی وجہ سے تاخیر ہوتی رہی، دوسری وجہ یہ ہے کہ ہم بہرحال فائر فاکس کی ٹیم کا مقابلہ نہیں کر سکتے، ہم ابھی ایک نسخے پر کام کر رہے ہوتے ہیں کہ اس دوران کئی نئے آفیشل نسخے جاری ہوجاتے ہیں، موزیلا کے پاس کام کرنے والے سینکڑوں اور یہاں صرف ایک.. بہرحال ہمیں امید ہے کہ یہ سلسلہ جاری رہے گا اور ہم محبانِ اردو کی یہ ضرورت پوری کرتے رہیں گے.

خیال رہے کہ یہ نسخہ صرف لینکس کے لیے ہے.

ڈاؤنلوڈ یہاں سے

لینکس اردو انسٹالر

Sun, 10 Jul 2011 14:12:12 -0700

ابو شامل صاحب نے یہاں منادی لگائی کہ جناب کمپیوٹر پر اردو انسٹال/فعال کرنا نئے حضرات کے لیے بہت مشکل کام ہے چنانچہ ماہرین میدان میں کودیں اور یہ مسئلہ حل کرتے ہوئے اس عمل کو آسان بنائیں تاکہ کمپیوٹر پر اردو کی ترویج میں آسانی اور اضافہ ہو، ابو شامل صاحب کی اس منادی پر محمد بلال صاحب نے ونڈوز اور میں نے لینکس کے لیے لبیک کہا اور یہ مسئلہ حل کرنے کا وعدہ کیا، اور الحمد للہ ہم دونوں حضرات ہی سرخرو ہوئے، محمد بلال نے پاک اردو انسٹالر پیش کیا اور منحوس ونڈوز کے تمام رائج نسخوں میں اردو کی معاونت اور کیبورڈ کو فعال کرنا آسان تر کردیا، مجھے بوجوہ ذرا تاخیر ہوگئی لیکن دیر آید درست آید کی مصداق بالآخر لینکس اردو انسٹالر پیشِ خدمت ہے.

لینکس پر لینکس اردو انسٹالر نصب کرنے پر اردو کے کچھ اہم فونٹس، ونڈوز کے فونٹس اور اردو کیبورڈ خود بخود فعال ہوجاتا ہے، پیکج کی تنصیب کے بعد اردو اور ونڈوز کے فونٹس تمام اطلاقیوں میں فوراً دستیاب ہوجائیں گے جیسے لائبر آفس، ٹیکسٹ ایڈیٹر وغیرہ، تاہم کیبورڈ کو فعال کرنے کے لیے آپ کو کم سے کم لاگ آؤٹ کر کے دوبارہ لاگ ان ہونا ہوگا جس کے بعد آلٹ شفٹ Alt+Shift دباکر اردو اور انگریزی کیبورڈ کے درمیان منتقل ہوا جاسکے گا، کیبورڈ کے لیے کوئی انڈیکیٹر نظر نہیں آئے گا کیونکہ لینکس کے بہت سارے ڈیسک ٹاپس ہیں اور ان سب کی سیٹنگز کا احاطہ کرنا بہت مشکل امر ہے، تاہم میں نے نوٹ کیا ہے کہ گنوم 3 پر پیکج کی تنصیب کے بعد کیبورڈ انڈیکیٹر خود بخود اوپر کے پینل میں نمودار ہوجاتا ہے:

لینکس کی دنیا میں چونکہ ڈبین اور ریڈ ہیٹ کے خاندانوں کی ڈیسٹریبیوشنز کا ہی زیادہ رواج ہے اور دونوں کا پیکجنگ سسٹم مختلف ہے لہذا لینکس اردو انسٹالر ڈِب اور آر پی ایم پیکج کی صورت میں جاری کیا جارہا ہے جن کی تنصیب صرف ڈبل کلک کر کے کی جاسکتی ہے، ڈِب پیکج ڈبین خاندان کی ڈیسٹریبیوشنز کے لیے ہے جیسے ابنٹو، کبنٹو، زبنٹو، لبنٹو، لینکس منٹ وغیرہ، جبکہ آر پی ایم پیکج ریڈ ہیٹ خاندان کی ڈیسٹریبیوشنز کے لیے ہے جیسے فیڈورا، مینڈریوا، پی سی لینکس وغیرہ..

یاد رہے کہ لینکس اردو انسٹالر کی تنصیب کے لیے کسی قسم کی کوئی انحصاریاں نہیں ہیں اور نا ہی یہ کسی مخصوص ڈیسک ٹاپ کے لیے ہے یعنی آپ کا ڈیسک ٹاپ گنوم ہو، کیڈی ہو، ایکسفس ہو، ایلکسڈی ہو یا بھلے ہی اوپن بکس ونڈو منیجر ہو، اس سے کوئی فرق نہیں پڑتا.

ڈاؤنلوڈ:
لینکس اردو انسٹالر برائے ڈبین خاندان

لینکس اردو انسٹالر برائے ریڈ ہیٹ خاندان

میں ڈِب پیکج کی ٹیسٹنگ کے لیے نبیل بھائی اور آر پی ایم پیکج کی ٹیسٹنگ کے لیے ابن سعید بھائی کا شکریہ ادا کرتا ہوں

لینکس اردو انسٹالر اردو محفل کی چھٹی سالگرہ کے موقع پر جاری کیا جارہا ہے.

لینکس اردو انسٹالر مکی کا بلاگ پر
لینکس اردو انسٹالر اردو ویب بلاگ پر
لینکس اردو انسٹالر محفل پر
لینکس اردو انسٹالر القلم پر

دعاء کی درخواست.

لینکس کمپیوٹر آپریٹنگ سسٹم انسٹال کرنا سیکھیں (اردو میں مکمل ویڈیو گائیڈ)

Thu, 30 Jun 2011 09:54:41 -0700

اسلام علیکم، میں عامر شہزاد, اٹک شہر، پاکستان سے آپ کی خدمت میں لینکس انسٹال کرنا سیکھیں کے ساتھ حاضر ہوں۔

لینکس ایک کمپیوٹر آپریٹنگ سسٹم ہے، مثلا جیسے کہ ونڈوز یا میگ آپریٹنگ سسٹم۔ لینکس کو استعمال کرنا کافی آسان ہے۔ ابھی آپ کو نیچے ویڈیو میں لینکس کا ڈیسکٹاپ نظر آ رہا ہے۔ مائی کمپیوٹر، مائی ڈاکومنٹس اور ریسائیکل بن کو دیکھنے کے لیے کمپیوٹر، یوزرز ہوم اور ٹریش کے آئیکونز پر کلک کریں۔ سٹارٹ مینیو کو دیکھنے کے لیے نیچے زیڈ بٹن پر کلک کریں۔

کیونکہ لینکس اوپن سورس اور مفت ہے اس لیے مختلف لوگوں نے اپنی ضروریات کے مطابق لینکس کی مختلف قسمیں بنائیں ہیں۔ یہاں پر لینکس کی ایک آسان قسم زورن او ایس کو انسٹال کرنا بتایا جائے گا، جو کہ ونڈوز کے یوزرز کے لیے بہت آسان ہے۔

یہاں پر ونڈوز 7 کے ساتھ لینکس کو انسٹال کرنا بتایا جائے گا، یعنی ونڈوز کو ختم نہیں کیا جائے گا۔ یہ طریقہ ونڈوز ایکس پی پر بھی تقریبا قابل عمل ہو گا۔

لینکس کو انسٹال کرنے کے لیے سب سے پہلے اسے نیٹ سے ڈاؤنلوڈ کرنا ہو گا۔ نیٹ سے ڈاؤنلوڈ کرنے کے لیے بہتر ہے کہ ڈاؤنلوڈ ایکسلیریٹر کا استعمال کریں، کیونکہ لائیٹ جانے یا کسی اور خرابی کی صورت میں آپ کا ڈاؤنلوڈ ضایع نہیں ہو گا۔

ویڈیوز دیکھیں اور اپنی رائے سے آگاہ کریں۔ بہتر ہے کہ فل سکرین موڈ میں دیکھیں۔

پہلا حصہ

دوسرا حصہ

تیسرا اور آخری حصہ

ماخذ: میری اردو بلاگ

ایکسپلورر کی ٹیم کا کیک

Thu, 23 Jun 2011 02:04:16 -0700

انٹرنیٹ ایکسپلورر کی ٹیم کی عادت ہے کہ جب بھی موزیلا فائر فاکس کا نیا نسخہ جاری کرتا ہے وہ انہیں مبارکباد کے طور پر ایک کیک ارسال کرتے ہیں جو دونوں ٹیموں کے درمیان صحمتند مقابلے کی علامت ہے، تاہم چونکہ فائر فاکس 5 میں سابقہ نسخوں کے مقابلے میں کوئی خاص تبدیلیاں نہیں ہیں لہذا اس بار کیک بھی کچھ چھوٹا سا ہے

سائنٹفک لینکس

Thu, 23 Jun 2011 01:57:57 -0700

سائنٹفک لینکس (Scientific Linux) یو ایس ڈیپارٹمنٹ آف انرجی اور یورپین آرگنائزیشن آف نیوکلیئر ریسرچ (CERN) کا مشترکہ منصوبہ ہے جس کا مقصد سائنسی لیبارٹریوں کی ضروریات پوری کرنا ہے اور مستقبل میں اسے معیار بنانا ہے، سائنٹفک لینکس کا پہلا نسخہ گزشتہ سال جاری کیا گیا تھا.

زورن او ایس 5

Mon, 06 Jun 2011 18:50:37 -0700

5 جون 2011 کو میری پسندیدہ لینکس ڈسٹرو زورن او ایس 5 جاری ہو چکی ہے۔ اس کو انسٹال کریں اور مستفید ہوں۔

یہ اوبنٹو 04۔11 پر بیس کر کے بنا ہے مگر یونٹی ڈیسکٹاپ اور گنوم 3 کی بجائے گنوم ایکس۔2 استعمال کرتا ہے۔ اس میں زورن او ایس کے خصوصی پروگرام شامل ہیں، مثلا زورن لک چینجر، زورن انٹرنیٹ براوئزر منیجر وغیرہ شامل ہیں۔

ابنٹو 11.10 الفا 1

Sat, 04 Jun 2011 08:09:19 -0700

لیجئیے جناب ابنٹو کا پہلا الفا نازل ہوگیا ہے!

خوبیوں کی فہرست:

- کرنل 2.6.39
- GCC 4.6
- NetworkManager 0.9
- گنوم 3 گوداموں میں شامل
- دو جہتی 2d یونٹی کو نسخہ 3.8.6 پر اپگریڈ کردیا گیا ہے
- فائر فاکس 5 بیٹا
- GTK3
- Déjà Dup Backup
- تھنڈربرڈ
- جی ڈی ایم کو لائٹ ڈی ایم LightDM سے تبدیل کردیا گیا ہے

پہلا الفا یہاں سے اتارا جاسکتا ہے

اگلے نسخوں کے اجراء کی تاریخیں یہ ہیں:

June 30 Alpha 2
August 4 Alpha 3
September 1 Beta 1
September 22 Beta 2
Oct. 13 final release

وائن 1.3.21 جاری

Sat, 04 Jun 2011 07:58:27 -0700

وائن Wine کا نسخہ 1.3.21 جاری کردیا گیا ہے، کچھ قابل ذکر نئی خوبیاں یہ ہیں:

- MSI میں رول بیک کی تنصیب کی سپورٹ
- XInput2 ماؤس کی سپورٹ
- آئٹم کامن ڈائیلاگ میں بہتریاں
- کچٖھ سابقہ بگز کی درستگیاں

نیا نسخہ یہاں سے اتاریں

لائبر آفس 3.4 جاری

Sat, 04 Jun 2011 07:53:08 -0700

لائبر آفس نسخہ 3.4 جاری کردیا گیا ہے.

نیا نسخہ کئی بگ فکسز، نئی خوبیوں اور ترجموں کی اپڈیٹس پر مشتمل ہے، مزید برآں ڈیسک ٹاپ کے ساتھ انٹگریشن اور فونٹس میں بہتریاں لائی گئی ہیں.. خوبیوں کی مزید فہرست یہاں ملاحظہ فرمائیں.

نیا نسخہ یہاں سے ڈاؤنلوڈ کریں یا اپنی ڈیسٹرو کے گودام دیکھیں.

یو گیٹ ڈاؤنلوڈ منیجر نسخہ 1.8.0 جاری

Sat, 04 Jun 2011 07:27:19 -0700

یو گیٹ uGet ڈاؤنلوڈ منیجر کا نسخہ 1.8.0 جاری کردیا گیا ہے، کچھ قابلِ ذکر نئی تبدیلیاں یہ ہیں:

- ڈاؤنلوڈ کی رفتار پر کنٹرول
- شیڈولنگ
- وقت کے کالم
- ایپلیکیشن انڈیکیٹر کی سپورٹ

چونکہ کراس پلیٹ فارم ہے چنانچہ ونڈوز کے لیے بھی دستیاب ہے..

نیا نسخہ یہاں سے اتاریں

ابنٹو میں تنصیب:

کوڈ:

sudo add-apt-repository ppa:plushuang-tw/uget-stable

کوڈ:

sudo apt-get update

کوڈ:

sudo apt-get install uget

بلٹ ان ویب کیم کو چلانا

Sun, 10 Apr 2011 15:32:08 -0700

السلام علیکم
محترم میں نے ایک عدد نیا لیپ ٹاپ خریدا اور اس میں ابنٹو ۱۱-۰۴ انسٹال کیا سب کچھ اللہ کے فضل سے ٹھیک ہوا وائیرلیس بھی خود ہی چل گیا ۔ اور اب مجھے مسئلہ ہے صرف کہ اگر ایمپتھی کو چلاوں اپنے ایم ایس ان اکاونٹ کے ساتھ اس میں اپنے لیپ ٹاپ کا بلٹ ان ویب کیم کیسے چلا سکتا ہوں۔ یا کوئی اگر دوسرا گفتگو کا پروگرام ہو جو ایم ایس میسنجر کی طرز کا ہو۔ تو خاکسار شکر گزار رہے گا والسلام

سکائپی کا احسان نسخہ 2.2 جاری کردیا

Thu, 07 Apr 2011 14:19:46 -0700

اور جناب صدیوں کے بعد سکائپی والوں کو بھی لینکس صارفین پر رحم آہی گیا اور انہوں نے سکائپی کا لینکس ورژن 2.2 بیٹا (2.2.0.25) جاری کر کے گویا ہمیں اپنے احسانوں کے بوجھ تلے دباکر مار ڈالا ہے

بہرحال نئے نسخے میں آواز اور ویڈیو کا معیار بہتر کیا گیا ہے، مفرد اور کانفرنس کالوں میں کال ویٹنگ اور کچھ بگ فکسز ہیں تاہم ظاہری شکل میں یہ اب بھی پرانے نسخے جیسا ہی ہے اور بظاہر کوئی فرق نظر نہیں آتا.

مصدر + ڈاؤنلوڈ

کیڈی 4.6.2 جاری

Thu, 07 Apr 2011 14:11:43 -0700

تو لیجیے جناب گنوم کے ساتھ ساتھ کیڈی والوں کو بھی غصہ آگیا اور انہوں نے بھی کیڈی 4.6.2 جاری کردیا ہے جو تراجم کی اپڈیٹ اور بگ فکسز پر مشتمل ہے..

نیا نسخہ ابنٹو اور فیڈورا کے گوداموں میں دستیاب ہے.

شپ اٹ سروس بند

Thu, 07 Apr 2011 14:08:11 -0700

کینونکل نے شپ اٹ سروس جس کے ذریعے دنیا بھر میں ابنٹو کی مفت سیڈیاں ارسال کی جاتی تھیں بند کرنے کا اعلان کردیا ہے.

یہ سروس 2005 میں شروع کی گئی تھی جس کا مقصد لینکس کو ان لوگوں تک پہنچانا تھا جو تیز انٹرنیٹ کنکشن نہیں رکھتے تھے اور ڈاؤنلوڈ کرنے سے قاصر تھے، اس سروس کی وجہ سے دنیا بھر میں لینکس کی مقبولیت میں کئی گنا اضافہ ہوا اور لینکس کے صارفین بڑھے.

بہرحال اب سیڈیاں صرف خریدی جاسکیں گی..